
156. Tradición e modernidade
Este é o episodio 157 do podcast Conxecturas de @joseantonio, publicado o 17 de novembro de 2026. Podes deixar comentarios de texto e audio neste enlace. Es de quen reza cando viaxa en avión? Martes, 17 de novembro. Son José Antonio, e isto é Conxecturas. Observo unha rapaza sentada no asento ao meu carón que manexa o móbil cunha rapidez sorprendente para min, non para a súa idade. Retoque fotográfico, con 2 dedos. Co anuncio da manobra de despegue, colle unha bolsa plástica transparente do seu bolso que no interior tiña un pequeno libro. Cubre a cabeza e, mentres o avión toma altura, move a cabeza ritmicamente de atrás a adiante, acompañando a lectura. Caracteres hebreos. Cando se anuncia a fin do despegue, pecha o libro, gárdao e retomao seu iPhone. Tradición e modernidade, nun ceo azul sobre un manto de nubes.
Audio and video play straight from the show's own hosting. PodSubs stores and serves no media.
