Skip to content
PodSubs
ShowsPeopleGuestsJobsNewsEvents
More
BlogPodCred
Menu
ShowsPeopleGuestsJobsNewsEventsBlogPodCredNetworksSign in
Join nowSign in
  • Shows
  • People
  • Jobs
  • News
  • More
    • Guests
    • Events
    • Blog
    • PodCred
    • Networks
    Join nowSign in

De Döschkassen

De Döschkassen artwork

Wat’n Rummel in de Hauptstadt

Jun 23, 20263 minAudio
ShareXLinkedInFacebookWhatsAppEmail

Vörigen Sünndag heff ich 40 Lüüd mit’n Bus no Kiel fohrt. Dor weer de Kieler Week je jüst anfungen. As mien Fohrgäst‘ utsteegen weern, harr ick ’n poor Stünnen lose Tied. Ick heff je al öfters Lüüd no de Kieler Week fohrt, overs bet Sünndag weer ick ni eenmol sülms mang all den Rummel. Dat schull anners warrn. Ick harr mien Drohtesel inpackt. Also wech mit’n Bus, rop op’n Soddel un af de Post. Wenn ick ehrli bün, heff ick blots so half wusst, wat de Kieler Week eegentli is. Na jo, mi weer klor, wat dat dor ’n Barg Budenzauber gifft un allerhand Bühn‘, op de allerhand Kapelln Musik opspeelt. Mang all den Krom weern dor ook groote Karussels, in de mi overs keen teihn Peer rinkreegen harrn. Och jo, un denn is dat je ook so, wat dat ganze Spektokel ni tosomhangt, so as bi’n Heider Johrmart, wonehm sick allns op’n Martplatz afspeelt. In Kiel gifft dat vun de Hörn, also dat binnere Enn vun Hoben bet hen no de Kiellinie, dor wo de Landdag is un in‘ Deel vun de Binnenstadt ’n ganzen Schwung vun Johrmarts. Dat schafft man an een Dag överhaupt ni allns to bekieken. Un düüer is dat allns. För Mudder, Vadder un twee Kinner sünd hunnert Euro dor gor nix. Na jo, ick wull je in de Hauptsook blots kieken. Un noch wat wull ick: So’n scheune Schinkenbrotwuss. Dor harr ick mi wat vörnohm‘. Ick bün vun Mart to Mart fohrt, heff mien Rad ansloten un bün op de Söök no’n Brotwussbood gohn. Dat is’n echte Odüssee worrn. Man kriegt dor allns to eeten. Belgische Pommes, franzö’sched Eeten, wat ut Indien, Indonesien, ut de Türkei, ut China, Italien un sünst wo her. Dat Eeten harr to’n Deel Nooms, de gor ni utsnacken kunn. Overs wiet un breed keen Schinkenwuss. Erst op’n Rothuusplatz heff ick Schinkenwust kreegen. Fief Lütte för veer Euro. Na denn. Overs ick weer ganz in Dutt vun all de Minschen, de sick dor dör dat Spektokel schooven hebbt. Hmm. Ick finn, de Kieler Week is ’n indrucksvulle Angelegenheit. Overs mit dat Gewusel kom ick ni trech. Ick glööv, in’t näste Johr mutt de ganze Radau leider ohne mi stattfinnen, un mien Schinkenwuss, de hau ick mi scheun to Huus op’n Grill… In düssen Sinn

Audio and video play straight from the show's own hosting. PodSubs stores and serves no media.

Hosts and Guests

Nobody is credited on this episode yet.

Credit the people on this episode

Be the first to rate this episode

More episodes

All episodes
  1. Dat is as dat is

    Nov 19, 20263 minAudio

    Man mutt sick je mitünner doröver wunnern, wat de Breegen, also dat Gehirn, allns kann, ne. To’n Bispeel, wenn dat dorüm geiht, sick op wat to besinn‘, sick an wat to erinnern. So kann ick mi genau op mien Öllern...

    Credit the people on this episode

  2. De ersten 20 Kilometers

    Nov 12, 20263 minAudio

    Dat gifft würkli keen annern Minsch op de Welt, mit den ick mi so fein verstoh‘ as mit mien Madam. Wi künnt över allns snacken un wi künnt tosom över den gröttsten Bleudsinn lachen, dat uns de Droon‘ lang de Backen...

    Credit the people on this episode

  3. Goodung is nix för mi

    Nov 5, 20263 minAudio

    Mien Madam un ick weern in Urlaub. In de Lüneborger Heid‘. Dat weer je an sick würkli scheun. Overs dat weer ’n Wellness-Urlaub. „Wellness“ is je so’n Anglizynismus oder wo dat heet. Also ingelsch. „Well“ dat heet...

    Credit the people on this episode

  4. Wat rüükt denn dor?

    Oct 29, 20263 minAudio

    Düsse Week heff ick an ’n Kass‘ in Supermart so’n Opsteller mit Duftgenöög för’t Auto sehn. Dor weern ’n poor vun de dorsten „Wunnerbööm“, also Pappbööm, över de man sick eegentli blots wunnern kann, overs ook...

    Credit the people on this episode

  5. Fründschop!

    Oct 22, 20262 minAudio

    Dat gifft je jümmers noch ’n poor Nostalgikers, de sick de DDR trüchwünscht, ne. Also ick meen ni de West-Queesbüddels, de de Muuer weller hochtrecken wüllt, sünnern de, de dat in de DDR eenfach beter gefulln hett....

    Credit the people on this episode